قبور الحزن ..... !

تنامت قبور الحزن بداخلي يوم فرقاك
صاحت بالحشا تدور عن خل ثبت أركانه
تنشد بالغرام عن درب به ممشاك
وتتبع ثراك شرا الورده الظميانه
رحت الأماكن لي بها ريح ذكراك
وذاك الكرسي المهجور لي هزتني أحزانه
عطر الزوايا وسوالف ليل بها الحب كان
ما بقى منها غير الحنين بلاظيات بركانه
ولعت باليوف نار ما تحرق عاليها الا سماك
ودين الحر يحرق كفوف المحب لي ما صانه
ذكرتك والمشاوير اغراب تجي صوبك وتعداك
تلوف بالنظر عنك مهدودة الحيل شقيانه
يا صاحبي مديت لك الوفا بكف يمناك
لين تعرق يدينك من طيب الحب رويانه
خليتني أطير واتنفس حب بعالي فضاك
وانت الوحيد لي كسر الطير بجنحانه
قلتلي الدنيا يغشاها البياض وأنا وياك
واليوم دونك ريتها بسواد الحزن مليانه
أفهمك من عينك دون ما تنطق شفاك
وتفهمني بالنظره دون الكلام وألوانه
أشقيت حالي والشقا موصول بطرياك
هذي أنا بلا روح داخل قلب إنسانه